|
((البارت 12 ))
اقترب الرحيل
شروق تكلم أماني : وأخوها مو رايح معاها
أماني : لا رايح معاها عمها ,,, والله من مصدقة اني معد حشوفها الا بعد 4 سنوات
شروق : الله يعينك والله انا حبيتها من كثر ماتتكلمي عنها ولمن شفتها حبيتها أكثر
أماني : والله حتوحشني مررررررررررة حنجن قبل ماتيجي
شروق : وانت ليه ما تسافري معاها
أماني : مدري ما فكرت والله ... يعععععع
شروق : يع ليش ايش صار
أماني : المغرور معاها
شروق : مين ؟
أماني : مازن
شروق من يوم ماسمعت اسم مازن اتخلبطت : ووو انتي ايش دراك
أماني : مايبغالها ذكاء هم دايما كده مع بعض
شروق : أمون بعدين حكلمك بابا بيناديني
أماني : طيب وسلمي على غروب وقوليلها بلا غياب دي أهم سنة
شروق : يوصل
////
ديمة : دندونة كدة نكتب الجيم
دانة : ديمة تعبت
ديمة : باقيلك سطر يلا شطورة
دانة : أوووووف
ديمة : يلا نخلي سكارنو يجبلنا كندر
دانة وعيونها انفتحت من الفرح : طيييييييييييب
ديمة في نفسها (( يالتني طفلة أكبر همي لعبتي ))
مازن نازل وشكله خارج ديمة : على فين ؟؟
مازن :طفشت وقلت أطلع
ديمة : مازن لا تضيع وقتك وذاكر
مازن : ديمة والله طفشت
ديمة : حتى انا طفشت ابغى أذاكر
مازن : والله حالة ناس تبغى الهم
ديمة : شايف
أم مازن وهي طالعة من المطبخ : مازن انت خارج ,,, أمسك روح جيب دي المقاضي
مازن : ماما خليها بعدين
أم مازن عصبت : بعدين يعني متى خلاص مابقي شي لرمضان
مازن : طيب خلي سكارنو
أم مازن : سكارنو عند خالتك
ديمة : وجبت يعني ... يلا حجي معاك
دانة : وأنا كمان
مازن : أوووف طيب يلا استناكم في السيارة
///
أماني : والله ياماما حتوحشني مرة
أم فراس : مين هي
أماني : دودي ياماما حتسافر وحتوحشني
أم فراس رفعت حواجبها : ان شاء الله ما ترجع
أماني عصبت : ماما حرام أنت ليه ما تحبيهم
أم فراس : مو مستواي
أماني : ماما ايش الي مو من مستواك ,,, دول أهل زوجك ,,,ستي عمرها ماقالت لك كلمة وحشة وعماتي حياة ونجاة دايما يحاولو يتقربو منك ويعزموك في مناسباتهم وانا دايما مع بنات عمتي حياة وعمري ماسمعت منهم كلمة وحشة ونفس الشي فراس وحتى سيف حبهم
أما فراس : سيف ايش؟؟
أماني : أقصد حب مازن ومروان ,,, ماما بليز عامل كما تحب أن تعامل
أم فراس : شوفي أنا سمحتلك أنت وأخوك تجلسو مع عيالهم وشكلي غلطت
أماني : لا ما غلطي ياماما ,,, بس رجاء ماما عيدي حساباتك
وقامت أماني وهي زعلانة من أمها الي تكره أهل زوجها بدون سبب
////
هاني دوبه راجع من الدوام : اووووف والله الوحدة طفش
جواله يرن باسم عمر يرد : ألوو والله ربي جابك ,,, تعال ياشيخ ,,,ههههه طيب استناك
قام ويجهز عشان عمر جاي بعد ربع ساعة وصل عمر
هاني وهو يفتح الباب : كسرت الجرس وانت ترن بس
عمر : لا تكتر كلام شيل الاكياس معاي وانكتم
هاني وهو يشيل : وايش هذا
عمر : مؤونة رمضان
هاني : مين قلك جيبها أمي
عمر حس بإنه حيحطم أخوه صح في أم ماتسأل عن ولدها وهو لو تقريبا شهرين ماتعرف عنه شي صدق أم بدون أمومة
هاني : عموووووووور فين سرحت
عمر: ها معاك معاك
هاني : أمي هي الي ...
عمر : لا أصلا ما شفتها من أسبوع شكلها سافرت
هاني اتنهد بألم : ايش سوت مع بنت السعيد
عمر: مدري تقول حلت الموضوع بطريقتها
هاني : عمر دحين انت جايب المقاضي دي و مين راح يطبخ
عمر : جبت معاها كتاب طبخ
هاني : ههههه بلا استهبال
عمر وهو يبتسم : والله شوف
هاني: ههههههههه أنت تحفة
///
امتنان :والله دا الانسان عجيب
أمل : ليه ؟؟
امتنان : ساعات يتكلم معاي عادي ,, وساعات كلامه مختصر ,, مدري أحس اني مني فهماه
أمل : طيب اتكلمي معاه
امتنان : بصفتي ايش
أمل : يعني اضايقي وبيني انك اضايقتي حاجة زي كده
///
مازن : طيب ايش باقي
ديمة : ممممم باقي قمر الدين ,,, وعجينة السبوسة
مازن : طيب يلا لنا ساعة ونص ونحن ندور في الدانوب وماخلصنا
ديمة : دحين تكلمني أنا ولا الزحمة دي
مازن : وربي مدري هو رمضان للأكل ولا الصوم
ديمة : لا تسألني أسأل الناس واسأل نفسك الي من يوم يأذن وانت خلصت السفرة
مازن : دانة ديمة تتكلم عن نفسها
دانة كانت مشغولة بلعبة كانت في يدها
دانة : اذا تشتريلي اللعبة اقولك
مازن : قمة الاستغلال
,,,,,,,,,,,,,,
بنتين مشين في الدانوب
1: شوفي الولد الي هناك
2: الي واقف مع البنت الصغيرة ولابس بلوزة سماوية
1: ايوة شكلة بالمررررة حلو
2: حلو ايه دا ياخد العقل ,,, بس الي واقفة جنبة تتوقعي زوجته
1: زوجته لا ما أتوقع شكله صغير مرة
2: الا زوجته وهذي بنتهم أكيد ,,, يعني حيكون جي مع مين مثلا
1: لو سمحت ممكن ....
التفت مازن وطالع في البنت صاحبة كان صوتها مبالغ فيه النعومة طالعها بحتقار وخوصا من انها كانت قريبة وشوي بتحتك فيه مرة منه ولف على ديمة : كم حبة تبغي
ديمة الي كانت مستغربة من حركة البنت : اااا هات 4 احسن
مازن أخذ مجموعة من أكياس قمر الدين والبنت لساتها واقفة مكانها طالع في ديمة : ان لم تستحي فصنع ما شأت
////
أم مازن : مرواااااااان قوم وسيب الي في يدك
مروان : ماما والله خلصت دراسة الله يخليك خليني ألعب دقايق بس
أم مازن : شوف ترى مالي دخل أبوك متحلف انه لوشاف البلاستيشن حيشيله منك
مروان : مامي لا تقوليله والله قبل ما يجي حخلص لعب
أم مازن : انا طالعة فوق أكمل شغل بس لو جاء ابوك انت حر
مروان كمل لعب وماهمه ولا يسمع مفاتيح الباب على طول نط ودخل الاسلاك تحت مكتبة التلفزيون وقام على الكنب وفتح كتاب
ولا طلع مازن الي جاء : السلام عليكم
مروان : وجععععععع حسبتك أبوية
ديمة : ليه كنت بتلعب
مروان : ايوة ودحين حعيد المرحلة على الفاضي
مازن : يلا مروان تعال شيل لاكياس معايا
مروان : مسكين يامازن الله يعينك على المشاوير دي السنة
مازن : ومين قلك اني راح أوصل أحد للأسواق مافي غير مرة وحدة والباقي سكارنو ليه عندنا
ديمة : طيب طيب يلا دخلو الاغراض بلا هرج كتير
دخلو الاغراض وديمة قعدت ترتب المقاضي
دينة داخلة المطبخ : وااااااااااااااااااااااااااو ديمة ربة بيت
ديمة تبتسم : تعالي ساعديني
دينة : حاااااااضر من خشمي هههههه ,,,, وقعدت تنشد .. ديمة ربة بيت ديمة ما أحلاها كيف البيت يكون لا أعرف لولاها
وبس نطقت دينة بدي العبارة الا عم السكون شي محد فكر في كيف البيت حيكون بدون ديمة بدون دلعها بدون كلامها بدون عنادها بدون أشياء كثيرة كانت ديمة تعملها في البيت والعائلة
ديمة : عادي البيت راح يكون عادي
دينة قربت من ديمة : بالعكس حيكون مو حلو ,,, ديمة أنت أهم حاجة في البيت ,,, أنت البيت كله
وحضنت ديمة بقوووة وهي تبكي وديمة بكيت معاها: حتوحشووووووووووني كلكم وبذات انتي
دينة : ديمة لا تسافري والله حرام اتجوزي أحسن
ديمة دفت دينة : ازوج في عينك
دينة تضحك من بين دموعها : ليه حرام طيرتيني
ديمة : ههههههه من المصيبة الي قلتيها (( وتقلد صوت دينة )) اجوزي احسن
دينة : هههههههههه كل البنات يتمنو الزواج وانت لا
ديمة : انا القمر والبنات نجوم
دينة حضنت ديمة مرة تانية : والله حتى الغرور والكبرياء راح افقده
: ماشاء الله أجواء رومنسية في المطبخ
التفتو على دانية الي كانت مريلتها مبقعة الوان : هههههههه
دانية : عارفة كلي الوان على بعضها عادي كنت برسم بالفرشاة
دينة : ايش كنت بترسمي سلة فواكه
دانية : لا رسمة خاصة.,,,, المهم على ايش كنتو بتبكو وتحضنو بعض
ديمة : عشان حسافر
دانية طالعت الارض : حتوحشيني دودي مرة
ديمة : بس لا تقلبوها نكد ترى حسافر أدرس كلها 4سنين مو أبلط (( أقعد كثير))
دانية : متى حتسافري
ديمة : 28 شوال
دينة : وليه ما قلتي
ديمة : ماما وبابا وسيدي يعرفو أصلا امس سيدو قال لبالبا في الليل
دينة ودانية نطو على ديمة وحضونها الا كلهم طاحو على الارض
: هههههههههههههههههههههههههههههههههههههههههههههه
دينة : الشوق هههههههههههههههههههههههههه يعمل ههههههههههه كده هههههههه
دانية : وأكثر ههههههههههههههه
ديمة : لا تشتاقولي ههههههههههههههههههههههههههههههه
**من الصعب ان تضحك وفي قلبك ألم وفي عينيك هم ولكن رغما عنك البسمة على شفتيك ترتسم **
////
دخل رمضان على قصتي في بدايته لم يحمل أحداث جديدة ولكن تعالو نشوف في العشرة الاواخر
الكل مجتمع كالعادة في بيت أبو حسن ((خالد أبو أم ديمة))
مريم (الست ):ياحسن فين مرتك ليه ماجات
حسن : دحين جاية مع أختها
أم حسن : أختها أم سيف
حسن: أيوة
أم حسن : الله يحيها ,,, والله من زمان عنها
دينة من يوم ما انتطق اسم سيف حست بقلبها يدق بقوة : دحين انا ليه قلبي يدق بقوة ,,, عشان سيف الي ما شفته غير مرة وحدة صح نظراته غريبة بس مو معقولة يسبب الارتباك دا كله ,,, صح أنا أحيانا أفكر في كلامه هو وأماني بس عادي كلامهم كان غريب ,,, طيب أنا ليه ماسألت أماني أصلا جرأتي خانتني وماقدرت أسألها ,,, طيب ليه ليه ليه
أماني : ديييييييييييينة
دينة أنفجعت : نعم وجع ماعندك نعومة
أماني وهي تضحك : سبت النعومة لك ..... ولي ماخد عقلك يتهنابه
ديمة : بلا ماخد عقلها ولا خشمها ... تعالو ماما تقول على المطبخ
دينة : حتى في رمضان نشتغل
أماني : الي يسمعك في بيتكم تشتغلو يلا بلا دلع
.......................................
أم فراس : السلام عليكم
أم مازن : وعليكم السلام يانادية أشبك اتأخرتي
أم سيف : معليش والله سيف أخرنا
أم فراس : لا مو سيف الا أخرنا ...اصلا ايش الفايدة اجي بدري
نجاة : أهلااااااااااااااااااااا أم سيف كيفك والله لك وحشة
أم مازن طالعت في نجاة بنظرة بعني عيب لكن نجاة ما اهتمت وكملت ضيافة لام سيف ودخلتها وكلام معاها وام فراس تغلي من القهر
المؤذن : الله ,,أكبر الله أكبر
دانة ورواف : أددددددددداااااااااااااااااااااااااااااااااااااااا ااااااااااااااااااااااااان يلا أفطرووووووووووووووووووووووووووووووووو
ديمة : وجع انتي واياها وطو أصواتكم
دانية : افطري بعدين سبي زي ماتبغي
فطرو الجميع وراح الرجال عشان يصلو والحريم صلو كمان وبعد الصلاة جلسو طبعا كانت جلسة حلوة الا من تعليقات أم فراس الي يحاول الجميع انه يتجنبها وام سيف كانت تحاول تلطف الجو
طلعو البنات فوق والشباب خرجو يلعبو في الحوش فتحت دينة الطاقة ((الشباك )) وجلست تتفرج على المبارة الي بين الاولاد
: أمووووون تعالي شوفي خالي حسن يلعب كورة
أماني : ههههه بابا كابتن وي شوفي هداك مو سالم زوج عمة نجاة
دينة : ههههههه وداك الطويل مازن والبرميل المتحرك مروان وأخوك دا عود المسواك و.......
أماني ابتسمت : ودا سيف
دينة رجع قلبها لنبضاته القوية : ايوة صح
قامت أماني من عند دينة عشان لا تنفجر من الضحك من شكل دينة الي انقلب فجأة
دينة جلست تتفرج عليهم وعيونها على سيف
أدن العشاء وقفو اللعب ودينة مازالت على الشباك تتفرج وقف سيف ياخذ نفسه وطالع فوق وجات عيونه على دينة
وقف يطالع مو مصدق كان شكلها مرة حلو كان شعرها مفتوح وبعض الخصلات على وجهها وعيونها مفتوحة على أخرها من المفاجئة
دينة كانت مرتبكة ومهي عارفة ايش تسوي ولدقيقة كاملة مرت عليها كأنها ساعة بعدين أستوعبت وبعدت عن الشباك وراحت لبنات وشكلها مرتبك ومسرحة
أماني بهمس : دينة ايشبك
دينة : ولا شي
نجاة : بنات يلا نصلي بعدين نكمل
ديمة وهي ترمي الورق : طيب يلا خالتو الامام
نجاة : لاأنت صوتك أحلى
ديمة : لا عادي مو مرة حلو
أماني : الا حلو يلا أمشي
دانية : وجبت عليك ياست الشيخة
ديمة : أوووف من الاحراج طيب يلا بسرعة
////
هاني : ها عمور ايش رايك في الفطور
عمر : تسلم يدك مررررة معفن
هاني : ههههههه بالله مو طعم
عمر : بالنسبة للأيام الي راحت مرة تمام
هاني يتصل على أحمد : ألووو أبو حميد كيفك ؟؟ ,,, ايش رايك تتسحر عندي اليوم ,,, هههه طيب جيب احتياط ,,,
عمر : أحمد ترى حتسسمم منه
هاني : لا يشيخ طييييييييييب ,,, مع السلامة أبو حميد
شوي ولا يدق جوال عمر : ألووووو أهلا مروان كيفك ,,, الحمد الله ماشي الحال ,,,هاني عازمنا على السحور من صنع يده تعال انت ومازن وفراس ,,,, يشيخ عاااااااادي مو مشكلة قله هاني عازمنا ,,, معاكم سيف .. طيب هو كمان ,,, ههههه شفت قضينا على الشباب ,,, وانا حتصل على ريان واقله وعماد كمان ,, واحمد ايوة معانا ,, واشوف كمان الشباب مين راح يجي ,,, هههههه شوفه مفتح عيونه من المصيبة ,,, خلاص جيب معاكم ,,طيب يلا مع السلامة خليني أكمل اتصلاتي ,,,هههه
يطالع في هاني : اشبك حتاكلني
هاني: دحين أنت عازم العائلة كلها
عمر : عادي اعمل خير فيهم ومن زمان ما انجمعنا جمعة شبابية
هاني استسلم وعجبته الفكرة : طيب قوم معاي للمطبخ ولا حفشلك
عمر : ههههه طيب ياشيف رمزي
////
مروان : شباب ترى معزومين اليوم عند هاني في شقته على السحور
مازن : وايش نقول لسيدي ؟؟
فراس : رايحين نتسحر عند هاني
سيف : حيرضى ؟؟
فراس : أنا ولد ولده ماراح يرفضلي طلب
مازن : قام الغرور يشتغل عند أخينا
مروان : خليني أقول للبنات يعملو شي ناخذه معانا
مازن : قول لدانية تعمل الكيك حقها
مروان : مممم وخلي دينة تعمل الازانيا وممممم أماني ايش تسوي يافراس
فراس : السلطة الصينية تعرف تزبطها
سيف : بس اشتغلتو البنات
مازن : دحين نحرش ستي عليهم
فراس : هههه نخليهم يدعو علينا
مازن يتصل على التلفون الداخلي : ألو السلام عليكم
أماني ترفع حواجبها : وعليكم السلام
مازن عرف أماني : أعطيني ستي
أم حسن : ألو
مازن : كيفك ستو تسلمي على الفطور الحلو
أم حسن : الله يسلمك ... ها ايش تبغى
مازن : نحن معزومين عند واحد من الشباب على السحور ونبغى البنات يعملولنا طبخاتهم
أم حسن : طيب وليه ماتكلموهم
مازن : ماراح يسمعو الكلام أصلا مايسمعو كلام ست الكل
أم حسن : طيب ايش تبغو
مازن : دينة نبغى منها الازانيا و..
أم حسن : والله مني فاهمة عليك تعالي أمونة شوفي ولد عمتك ايش بيقول
أماني انقهرت بس ما تقدر ترفض لستها طلب وحتى مازن انقهر
أماني : طيب ,,, ألو نعم
مازن : خلي دينة تعمل الازانيا ودانية تعمل كيكتها واماني تعمل السلطة الصينية وياليت يخلصو قبل الساعة 2
أماني : ياليت تتكلم عدل
وقفلت السماعة
أماني كانت كالعادة في قمة عصبيتها من أسلوب مازن ونفس الشيء مازن كان في قمة فورانه من طريقة أماني
كلمت أماني البنات الي ماعجبهم الموضوع أبدا واتنرفزو مرة كانت الساعة 10 ومتى يمديهم لكن ستهم جبرتهم على الطيخ وقالت عبارتها المشهورة
المطبخ اشتاق لكم
دينة : المطبخ دا ماعنده شغلاة الا يشتاق لنا
دانية : مدري هذا وقبل شوي كنا فيه
دخلت دينة ودانية للمطبخ وديمة عشان تساعدهم أما أماني فمارضيت أنها تدخل عناد في مازن
///
هاني : عمر انتبه للبطاطس لا تنحرق
عمر : وربي خبص لا حدود له بطاطس مقلي مع رز بالخضار وسلطة الله يستر كيف مقطعة تعرف نحن لازم نفتح مطعم ونسميه هانع
هاني : ههههه ايش الاسم دا
عمر : اختصار لاسمي واسمك وبعدين نحط صورتنا على الواجهه
هاني : عمر في ريحة شي بينحرق
عمر : البطااااااااااااطس انحرقت
////
ديمة : مازن هذي الصواني خذها وانتبه عليها
مروان: صنيتين طيب والسلطة ؟؟
ديمة : لمن يتكلم أخوك عدل السلطة تتسوى
مازن بدون اهتمام : عادي مستغنين عنها الله يخلي الشيف هاني
ديمة : حتتسرو عند هاني ؟
مروان : ايوة هو الي راح يطبخ كمان ادعيلنا لا نتسمم
ديمة : ههه اديني رنة وانا أدق على الاسعاف
مروان:ok
////
سيف: هات عنك يامازن
مازن : لالا يشيخ عادي بس افتح الشنطة
مروان : فراس جيب معاك الاشرطة من الدرج
مازن : السوني دا ما تسيبوه ثانية
فراس : أسيب روحي ولا أسيبه
سيف : الاخ يتغزل
الكل : ههههههههه
////
في شقة هاني
ريان يدق الجرس عمر فتح الباب : بس كسرت الجرس وانت ترن
ريان : طيب أسمع اول منت شايف الاكياس
عمر وهو ياخذ الاكياس : من مين دا ؟؟
ريان : من مين يعني من أمي كل ماجيب أخرج استنى خذ دا معاك ,, حرام الولد وحيد خذ دا كمان ... يقوم في الليل جيعان اشتريله دا
هاني : فيها الخير ستي على الاقل أحسن من بنتها الي ما سألت عني من يوم ما خرجت
عماد : السلام عليكم ....
عمر : بسم الله من فين دخلت ؟؟
عماد : من الجدار ... من فين يعني من الباب المفتوح ... أحد جاب حلى
ريان : لا.... أنت ايش جبت
عماد : بسبوسة وكيك من الدانوب ودونات
هاني : والله سارت حفلة دي ههههه
ريان وهو يضرب هاني على راسه : أحمد ربك أن في أحد حزنان على عمر
هاني : وليه أحزنو علي أنا
ريان : لا أخوك مسكين لو 20 يوم وهو يعمل عسيل معدة
ترررررررررن تررررررررررررن تررررررررررن
عمر الي بيرتب الاغراض في الثلاجة : عماد روح فك الباب قبل لا يتكسر
\\\
ريان : شباب ما تحسو ان عماد اتغير
هاني : الا والله أو كان ما يحب التجمعات ودحين خف شوي سار يجي معانا
عمر : ان شاء الله من أحسن لاحسن
\\\\
عماد راح وفك الباب : اهلا مازن
مازن : هلا بالعمدة فين المطبخ ؟؟
عماد اشر بيده على المطبخ : هات عنك
مازن : تسلم والله بس لو انك تنزل تحت تشيل باقي الاغراض من السيارة حتلاقي فراس ومروان حياسين
عماد : من عيوني
مازن : تسلم عيونك ياعمدة
دخل مازن المطبخ : السلام عليكم ,,, طالع في لاكياس الي على الدولايب ,,, ماشاء الله هاني قضيانلك مقاضي الشهر
هاني وهو ياخذ من مازن : والله مقاضي السنة كلها
عمر: قول ماشاء الله
مازن : لا اله الا الله
دخل مروان وفراس وسيف الي كان شايل الصواني وأهم شي عنده صينية لازانيا
: السلام عليكم
الكل : وعليكم السلام والرحمة
مروان : هاني فين غرفة التلفزيون
عمر : جبت البلاستيشن
فراس : اااااااااااااااايوااااااااااا
عمر : تعالو يلا نشبكه
مازن : هو أنت زيهم كمان عاشق بلاستيشن
هاني : أنت ما تدري عن عمر شي
////
جلسو لسحور سيف قدامه الازانيا وهو يحس باطراب كان خايف ان احد يسمع صوت قلبه ((اذا طبختها تعمل في كده كيف اذا كانت هي قدامي ))
هاني : يلاااا عمور أنت والتؤم المختلف يلا السحور الساعة 3 يلا
مازن يكلم ريان : مو كأن هاني اتحول لأم واحد فينا
ريان : والله زي أمي تماما
عماد : ريان انت متى حتسافر
ريان يتنهد : 28 شوال
سيف : بالتوفق انت رايح مع بنت أخوك
ريان : ايوة رايح مع دلوعة هانم
مازن : هييييييييه دلوعتي لا تغلط عليها
عمر : بس الله يخليك خلينا نحش فيها ولو لثانية وحدة
هاني : وي يحب أخته ومايرضى عليها انتو ايش حارقكم ....بس حتوحشنا يا ريان
مروان : حرقنا الفلفل حقك ,,, أنت ما تعرف تسوي فلفل عدل
فراس : بس يا فيلسوف زمانك يالله سم بالله
ريان : طيب مادامي حوحشك قول ياخالي حسسني اني خال ولا عم حتى
هاني : حلوة أقولك خالي وانا اكبر منك بست سنين كمان
سيف : مسكين ياريان ههههه ,,,,, والله مو ناقصنا الا عبد المحسن
في نفس اللحظة انقلب وجه مازن وريان ورفعو حواجبهم دليل لعدم الرضى سيف استغرب من حركتهم
: ايش في شي غلط في كلامي
كان مازن يبغى يرد لاكن قطع عليهم دخول أحمد : ماشاء الله تاكلو من وراي
هاني : نسيت أنك جاي أصلا
أحمد وهو يجلس : لا يشيخ طبعا من شاف أحبابه نسي أصحابه
مروان : أخصرك منه انا ما كنت حاكل الا وانت موجود
أحمد يطالع في مروان بشيء من التعجب والتشجيع كان مروان شخصية لطيفة يدخل في الواحد على طول وهو ما يعرف أحمد الا في المستشفى
: تسلم يا .... نسيت اسمك
مروان : مروان ,,, قاعد امدح فيك من الصبح وتطلع ناسي اسمي
أحمد : ههههههههه معليش اسف ,,,, الا تعال ياأخ هاني تاني مرة تقولي خذ المنوابة مني وتكون المتخلفة دي مو جودة ياوليك
هاني : مين المتخلفة
أحمد : امتنان هانم جابلتلي المرض ((يقلد صوتها )) هاني ليه ما جا ,,, تعبان في شي ,,, طيب ليه ما يرد
عمر : هههههه صارلك معجبات
مازن : من ورانا ههههه ,,, بس تعرف خذني معاك واشوف حتطالع في مين
هاني وهو مضايق ما كان يبغى مازن ومروان يعرفو : بس انقلع انت واياه دي لو تشوفها يامازن تموت من القهر
مازن : ليه ؟؟؟
هاني يقلد طريقتها في الكلام : لو سمحت اعتيني البتاتس الي هناك
الكل : هههههههه
سيف : ماشاء الله الازانيا بالمرة طعمة تسلم اليد الي عملتها
مازن : بالعافية
فراس قام من الاكل
هاني : فين رايح
فراس : شبعت والحمد الله
سيف : اجلس والله حاسس أنك لو ما أكلت حتتكسر
مروان : سيبوه هو يبغى الحلى
هاني : طيب شوفه في التلاجة اختار على ذوقك وجيب
مروان : أهم شي كيكة دانية مررررة نفسي فيها
فراس : طيب في احد يبغى شي
عمر : لا سلامتك جيب الي نفسك فيه
رجع فراس وحط الحلى على الطاولة
هاني : ايت كيكة دانية
اشر فراس على كيكة مغطاة بالشوكلاة السايلة وكان شكلها لذيذ مرة
هاني : أعطيني أذوقها
عمر : والله دندونة تعرف تطبخ ههههه حركات
مروان : كلهم البنات يعرفو يطبخو بس دانية الكيك مرة تزبطة
عماد : وديمة ما عملت شي
ريان : ديمة سيبوها لا تعبوها انا حمتحنها لمن نسافر حخليها تكره الطبخ عشان تبطل تخطط من ورايا حتى بدون ما تتشاورني
عمر : الا تعال انت مين يقدر يسوي شي من وراك ...... وصح ديمة دايما كدة تسوي الي فراسها وبس
هاني : وانت من متى تتعامل معاها
عمر : أسمع من سيدي ... أصلا هي تعطي أحد وجه يتعامل معاها روح بس
مازن : هييييييييه ترى قدامك أخوها ياسيد
عمر : نسيت قدامي الدفاع حقها
هاني بعد ما أكل الكيك : ممممم مرة طعمة تسلم يدها
مروان : بالعافية بس لا تخلصها
مازن : استحي ياواد
/////
رجعو لليبت وأخذ مازن أخواته في السيارة معاه
مازن : ماشاء الله يادانية مرة الكيك طعم
دانية : بالعافية
دينة : والازانيا ماعجبتك
مازن : هو أنا أكلت منها سيف حطها قدامه وهات أكل هو والاخ مروان ما سابولنا شي
دينة انبسطت ان سيف عجبته الازانيا بس هي ماتدري ليه حست بالسعادة دي : بالعافية عليهم وانت ولا يهمك بكرة أعملك
مازن : لالا الله يخليك أنا حينتهي رمضان وانا الباب ماراح يدخلني
ديمة : الا يسمعك دحين يقول برميل وانت مافيك غير عضم وجلد وكم عضلة فرحان فيها
مازن : لا والله كم عضلة ليه عمية أعطيك بوكس أوريك الكم عضلة
دينة : أتحداكم تلمس شعرة من شعرها
دانية : أصلا محد يقدر على دودي
مازن : ماشاء الله عندك حماية
ديمة : ههههه مني سهلة ههههه
////
انتهى رمضان وجاء العيد وديمة تودع العالم الجميل الذي عاشت فيه تودع العيد المفعم بالمحبة ورمضان المليء بالايمان ونفس الشي ريان كان يشعر بالحزن لانه راح يسيب الناس والاهل والحياة وقدامه هو وديمة مشوار صعب في بلاد الغرب بلاد لا تحترم المسلمين ولا تحترم المرأة في أمريكا وتحديدا في ولاية فلوردا ستكون ديمة على موعد مع التحدي
غربيون هم في تفكيرهم ... طريقة حياتهم ... حفلاتهم ... حتى مشاعرهم وحزنهم ونظرتهم للحياة
|
التسجيل السريع إلى المنتدى
๑[◦˚ الحكاواتي ˚◦]๑ كل مايختص بالقصص الحقيقيه والخرافيه والروايات
الإهداءات
08-19-2008, 07:05 AM
